Фестываль фатаграфіі ў Лодзі (дэдлайн — 24 лістапада)
21 лістапада 2024
FOTOFESTIWAL — міжнародны фестываль фатаграфіі ў Лодзі запрашае фатографаў і фотамастакоў прадставіць свае працы. Няма тэматычных, узроставых і рэгіянальных абмежаванняў, галоўнае — смелае бачанне праекта.
Фестываль адбудзецца у чэрвені 2025 года ў Лодзі (Польшча). З ліку прадстаўленых праектаў журы абярэ шэсць, якія будуць прэзентаваныя ў выглядзе выставы.
Праекты павінны ўключаць ад 10 да 20 фота. Кожны ўдзельнік можа падаць да двух праектаў.
Што атрымліваюць выбраныя аўтары:
- выстава падчас FOTOFESTIWAL у Лодзі (больш за 20 000 гледачоў);
- ганарар 400 еўра;
- пражыванне на асноўны ўік-энд адкрыцця фестывалю;
- кампенсацыя выдаткаў на праезд да 300 еўра;
- бюджэт вытворчасці выставы 500 еўра.
Таксама арганізатары вылучаць як мінімум аднаго мастака на праграму FUTURES.FUTURES. Гэта еўрапейская фатаграфічная платформа, якая аб’ядноўвае сусветную фатаграфічную супольнасць для падтрымкі і развіцця прафесійнага развіцця маладых мастакоў па ўсім свеце.
Дэдлайн падачы заявак — 24 лістапада 2024 года.
Дадатковыя пытанні накіроўвайце па адрасе opencall@fotofestiwal.com
@bajmedia
Праўладнага блогера Катлярова прызналі палітвязнем, бо яго пераследуюць за негвалтоўную рэалізацыю свабоды думкі — праваабаронцы
21.11.2024
Зняволеная журналістка Ксенія Луцкіна ў калоніі зноў перахварэла на пнеўманію
02.05.2024
Уручаны прэміі беларускай праваабарончай супольнасці-2023. Сярод лаўрэатаў — Алег Агееў і Аляксандр Манцэвіч
10.12.2023
Аляксей Бацюкоў пакінуў Беларусь. У КДБ яго змушалі прызнаць, што ён «ачарняў рэчаіснасць» па загадзе з‑за мяжы
26.12.2023
