Вэбінар «Як НДА сябраваць з медыямі» (дэдлайн — 16 кастрычніка)

Нягледзячы на ​​складаныя і крызісныя часы, беларускі грамадскі сектар працягвае працаваць. Але як пры гэтым НДА ўзаемадзейнічаць з беларускімі медыямі: каму пісаць, як дагрукацца да рэдакцый, як прасоўваць свае прадукты і праекты?

Запрашаем на вэбінар «Як НДА сябраваць з медыямі» PR-спецыялістаў і супрацоўнікаў НДА, якія хочуць наладзіць больш эфектыўную камунікацыю, а таксама ўсіх тых, хто займаецца прасоўваннем ініцыятыў, адвакатаваннем сацыяльных праблем і шукае дзейсныя спосабы зрабіць сваю працу прыкметнай.

Вэбінар пройдзе 17 кастрычніка, з 18:00 да 20:30 па Вільні, 17:00–19:30 па Варшаве, 19:00–21:30 па Тбілісі у рамках анлайн-курса «Эфектыўныя камунікацыі для НДА і медыяў», які Беларуская асацыяцыя журналістаў ладзіць сумесна з Фондам ім. Фрыдрыха Эберта.  

Пагаворым пра ўсё:

– пра болі, складанасці і патрэбы;

– як будаваць сваю працу (і пры чым тут інфармацыйная стратэгія);

– як на працэсы ўплывае нэтворкінг (і як яго выбудоўваць);

— якія ёсць прылады для працы са СМІ (працоўныя);

— пытанні бяспекі.

РЭГІСТРАЦЫЯ

Дэдлайн падачы заявак 16 кастрычніка, 18:00 па Вільні. Тым, хто ўжо ўдзельнічае ў курсе, рэгістравацца на вэбінар, не трэба.

Запрашэнне і спасылку на вэбінар вы атрымаеце на сваю паштовую скрыню за дзень і за гадзіну да пачатку вэбінара.