Конкурс фотаздымкаў Allard Prize (дэдлайн — 1 траўня)

Конкурс фатаграфій Allard Prize праводзіцца кожныя паўгода. Працы можна падаць на працягу ўсяго года. Хутка будуць называць пераможцаў сярод аўтараў фотаздымкаў, якія былі дасланыя арганізатарам да 1 траўня 2023 года.

Прэмія Аларда, заснаваная ў 2012 годзе, з’яўляецца адной з найбуйнейшых у свеце прэмій, прысвечаных барацьбе з карупцыяй і абароне правоў чалавека.

Форма падачы заявак размешчана на старонцы фотаконкурсу Allard Prize Pho­tog­ra­phy Com­pe­ti­tion.

Умовы: 

Удзельнікі могуць прадставіць максімум чатыры фатаграфіі ў кожным цыкле.

Фотаздымкі, якія прадстаўляюцца, павінны быць лічбавымі фатаграфіямі, прадстаўленымі на самым высокім узроўні.  Шырыня гарызантальных відарысаў павінна быць не менш за 1180 пікселяў, вертыкальныя выявы павінны быць не менш за 740 пікселяў у вышыню. Фатаграфія не павінна мець рамак. У назве файла павінна быць імя фатографа.

Прыз:

У якасці пераможцаў могуць назваць да шасці фотаздымкаў.

Кожны ўдзельнік-пераможца атрымае 1000 канадскіх долараў.

Фатаграфіі пераможцаў будзуць размешчаны на сайце Allard Prize з кароткім апісаннем і пазначэннем імя аўтара. 

Умовы конкурсу (на ангельскай мове)