Конкурс журналiсцкiх прац “Найлепшы журналіст-барацьбіт з дыскрымінацыяй у Беларусі — 2017” (да 30 лістапада)
20 лістапада 2017
Культурніцкая ЛГБТ-арганізацыя Паўночных краінаў ТУПІЛАК сумесна з ініцыятывай “Журналісты за талерантнасць” і сайтам Gaypress у шосты раз абвяшчае прафесійны конкурс на найлепшы журналісцкі матэрыял на антыдыскрымінацыйную праблематыку.
Аўтары найлепшых друкаваных і iнтэрнэт-артыкулаў і/ці фота-аўдыё-відэа рэпартажаў, якія прасоўваюць ідэю роўнасці і недыскрымінацыі ўразлівых сацыяльных групаў у беларускім грамадстве, будуць абвешчаныя напярэдадні Міжнароднага дня правоў чалавека — 9 снежня 2017 года.
Пераможца конкурсу атрымае адмысловую ўзнагароду, а таксама будзе мець магчымасць наведаць ЛГБТ-арганізацыі ў адной з краінаў Скандынавіі з мэтай падрыхтоўкі тэматычных публікацыяў на працягу 2018 года.
Чакаецца, што конкурсныя матэрыялы павінны з’явіцца ў прэсе ў перыяд з 1 лістапада 2016 г. па 31 кастрычніка 2017 года.
Матэрыялы конкурсу маюць быць скіраваныя на разгляд журы на электронны адрас toljournalists@gmail.com не пазней за 30 лістапада 2017 года.
Сярод пераможцаў конкурсу мінулых гадоў – Наталля Касцюкевіч, TUT.BY, Улад Швядовіч, “Наша Ніва”, Вікторыя Біран, Makeout, Адар’я Гуштын, naviny.by.
@bajmedia
Архіў сайтa холдынга «Культура і Мастацтва» стаў недасяжным для наведвальнікаў
18.06.2024
На сустрэчу з віцебскімі падлеткамі запрасілі блогера, які ў сваіх відэароліках зневажае настаўнікаў і ўжывае ненарматыўную лексіку
05.12.2023
Як мне не далі з’есці сырок ад свайго імя, або Давайце не забываць пра аўтарскае права нават у эміграцыі
29.05.2024
Вярхоўны суд пакінуў без зменаў прысуды па справе «аналітыкаў Ціханоўскай»
10.10.2024
