Press Club Belarus і Deutsche Welle Akademie шукаюць ментараў для падтрымкі беларускіх журналістаў у выгнанні

Да ўдзелу ў праграме Space for Free­dom запрашаюць усіх, хто жадае дапамагчы і мае адпаведныя медыякампетэнцыі.

Праграма Space for Free­dom прапануе прафесійную падтрымку беларускім журналістам, якія працуюць над сваімі праектамі за мяжой. 

Прыярытэтныя напрамкі:

• відэапрадакшн (у тым ліку кароткія фарматы відэа);
• аўдыёпрадакшн;
• кантэнт-аналіз;
• дыстрыбуцыя;
• СММ і пераўпакоўка;
• старытэлінг;
• дата-журналістыка;
• расследавальніцкая журналістыка.

Кожны ментар будзе курыраваць адзін або некалькі праектаў. Чаканы час працы над адным праектам — 10 працоўных дзён, ці 80 гадзін.

Дэдлайн падачы заявак: 12 ліпеня 2024 года.

Каб падаць заяўку, дасылайце свае прапановы на пошту academy@press-club.pro

У лісце пазначце тэму: “Space for Free­dom. Ментарства”. Укажыце чаканую ўзнагароду за дзень ці гадзіну працы, прыкладзіце прафесійнае рэзюмэ.

Праграма Space for Free­dom фінансуецца Федэральным міністэрствам замежных спраў Германіі ў рамках Ініцыятывы Ханны Арэндт.