Школа маладых рэфарматарак і рэфарматараў 2.0. Stockholm edition (дэдлайн — 26 верасня)

Цэнтр новых ідэй запрашае далучыцца да адукацыйнай праграмы ў Стакгольме маладых аўтараў і аўтарак, якія жадаюць навучыцца пісаць якасную аналітыку.

Праграма будзе сфакусавана на тэме выбараў-2025 у Беларусі.

Што чакае ўдзельнікаў:

• фарсайт-сесія пра Беларусь з камандай ЦНІ;
• воркшопы і лекцыі па напісанні добрых аналітычных тэкстаў;
• праца над стварэннем уласных pol­i­cy briefs на тэму выбараў-2025 (з далейшай афлайн-прэзентацыяй у Варшаве);
• сустрэчы і дыскусіі са шведскімі палітыкамі, грамадскімі дзеячамі і даследчыкамі аналітычных цэнтраў.

У Школу запрашаюць беларусаў і беларусак да 30 гадоў. Трэба ведаць англійскую мову на ўзроўні не ніжэй за В1, бо большая частка праграмы будзе па-англійску.

Удзельніцы і ўдзельнікі Школы напрыканцы атрымаюць сертыфікаты.

Візіт у Стакгольм запланаваны з 18 па 21 кастрычніка 2024 года (арганізатары забяспечваюць транспарт, пражыванне і харчаванне, але не аказваюць візавую падтрымку).

Дэдлайн для падачы заявак — 26 верасня (уключна).

Каб падаць заяўку, запоўніце форму

Арганізатары адбяруць 10 матываваных кандыдатак і кандыдатаў (перавага — жанчынам і ўдзельніцам і ўдзельнікам ранейшых навучальных праграм Цэнтра новых ідэй).

Больш інфармацыі пра праграму — па спасылцы