Кіраўніка прапагандысцкага рэсурсу Sputnik Малдова дэпартавалі з Малдовы

Кіраўнік прапагандысткага медыя Віталь Дзянісаў сцвярджае, што да яго прыйшлі супрацоўнікі міграцыйнай службы і забралі з дому.

«Выдалі прадпісанне аб дзесяцігадовай забароне на ўезд у Малдову. Пасла паставілі ў вядомасць. Пасадзілі ў машыну і вязуць у аэрапорт з пастановай аб дэпартацыі першым жа рэйсам», — распавёў ён расійскаму рэсурсу.

Віталь Дзянісаў заяўляе, што улады Малдовы лічаць яго асобай, якая прадстаўляе пагрозу для нацбяспекі краіны.

Прэс-сакратар урада Малдовы Даніэл Водэ распавёў журналістам, што Sput­nik бесперапынна займаецца распаўсюджваннем фейкаў, дэзінфармацыяй і прапагандай, таму ўладам неабходна абараняць інтарэсы грамадзян Малдовы.

«Улады не дапусцяць распаўсюджвання фэйкавых навін. Установа, у якую ўваходзіць гэты грамадзянін, бесперапынна займаецца інфармацыйнымі атакамі, хлуснёй, прапагандай і дэзінфармацыяй. У нас выразны пасыл — мы абараняем інтарэсы грамадзян Малдовы. Мы не павінны дазваляць раз’яднаць нас ці аслабляць краіну праз прапаганду ці зламысную інфармацыю. Гэта залежыць ад кожнага з нас, ад усяго грамадства, незалежна ад палітычнай прыналежнасці ці мовы, на якой мы размаўляем», — цытуе Водэ Newsmaker.md.

Выданне нагадвае, што ў Малдове пасля пачатку вайны ва Украіне ў Малдове заблакавалі сайты sputnik.md і gagauznews.md за інфармацыю, якія распальваюць у краіне нянавісць.  Пасля гэтага Sput­nik паведаміў, што запусціў новыя сайты ўзамен заблакаваных. Але ў сакавіку 2023 года ўлады заблакавалі і іх. Гаворка пра sputniknews.com, md.sputniknews.com, ro.sputniknews.com, sputniknews.ru і md.sputniknews.ru.

Чытайце яшчэ:

«У беларускіх медыя не прынята абараняць назву з дапамогай таварнага знака». Наколькі абгрунтаваныя прытэнзіі датычна нэймінгу?

«Создание иллюзии, что в стране всё хорошо». Как изменилась работа белорусских новостных агрегаторов после 2020 года

Як жыве зараз беларуская незалежная журналістыка? Адказвае наместнік старшыні БАЖ Барыс Гарэцкі