Кошт падпіскі на шматтыражныя прапагандысцкія выданні вырас за год на 14—18%
28 снежня 2023
У каталогу “Белпошты” па-ранейшаму практычна няма папулярных незалежных грамадска-палітычных СМІ. Найбольш тыражныя дзяржаўныя прапагандысцкія газеты падаражэлі на 4—7% за паўгода і на 14—18% за апошні год пры агульным росце спажывецкіх коштаў на 5,4% (лістапад 2023 года да лістапада 2022-га), сведчыць праведзенае “Позіркам” параўнанне коштаў у падпісных каталогах.
Кошт паўгадавога камплекту “СБ. Беларусь сегодня” (экс-“Советская Белоруссия”) павялічылася на 5,3% (са 102,60 да 108 рублёў), “Народнай газеты” — на 6,4% (з 78,36 да 83,40), “Рэспублікі” — на 4,8% (з 94,32 да 98,82), “Сельскай газеты” — на 4% (з 94,86 да 98,70), “Знамени юности” — на 6,8% (з 45,60 да 48,72), “7 дней” — на 6,4% (з 47,58 да 50,64), “Звязды” — на 5,4% (з 98,64 да 103,98 рубля).
Кошт падпіскі на расійскія выданні (сярод грамадска-палітычных на рынак дапушчаныя толькі лаяльныя беларускаму рэжыму) змяніўся рознанакіравана. На ўкраінскія выданні падпіска не праводзіцца два гады, на іншыя замежныя СМІ падпіскі няма шмат гадоў.
Чытайце яшчэ:
Зачыніўся часопіс «Дзеяслоў», які выходзіў больш за 20 гадоў
Дзяржаўны тэлеканал АНТ абвесціў, што ягоны YouTube-канал цяпер мае больш за 1 мільён падпісчыкаў. Чаму гэта выклікае сумнеў?
«Самае прыемнае, калі ёсць зваротная сувязь ад аўдыторыі». Незалежныя медыі падвялі вынікі года і падзяліліся планамі
@bajmedia
