Лаўрэатаў Нацыянальнай праваабарончай прэміі назавуць 9 снежня
5 снежня 2016
Праваабарончыя арганізацыі Беларусі, якія штогод сумесна ўручаюць Нацыянальную праваабарончую прэмію, абвесцяць яе сёлетніх лаўрэатаў у пятніцу 9 снежня а 12 гадзіне. Цырымонія пройдзе ў сталічнай кнігарні “Логвінаў”.
Апошнія гады прэмія ўручаецца ў трох намінацыях: “Праваабаронца года”, “Журналіст года”, “Кампанія года”.
У межах узнагароджання лаўрэатаў Нацыянальнай праваабарончай прэміі пройдзе і прэзентацыя кнігі вядомага савецкага праваабаронцы і дысідэнта Міхаіла Кукабакі, які 3 снежня адзначыў сваё 80-годдзе.
Удзел у вылучэнні намінантаў на прэмію прымала і ГА “Беларуская асацыяцыя журналістаў”, якая вельмі спадзяецца на перамогу сябраў арганізацыі.
Раней з нашых калег прэмію ўжо атрымлівалі Сямён Печанко, Алег Груздзіловіч, Юлія Дарашкевіч і Уладзь Грыдзін, Анджэй Пачобут, праваабарончая перадача “Маю права” на “Белсаце”, Алена Панкратава і Зміцер Лукашук.
@bajmedia
Лічбавы фотаархіў Veha запрашае дзяліцца сямейнымі фатаграфіямі
25.10.2024
У праваабаронцы Алеся Бяляцкага ў зняволенні пагаршаецца стан здароўя
10.04.2024
Лепельская раёнка пазбавілася рубрыкі пра гарадскія праблемы
12.12.2023
Міністр замежных спраў Польшчы выказаў салідарнасць са зняволеным журналістам Анджэем Пачобутам
20.12.2023
