Лідэр літоўскіх палякаў абвінаваціў «Белсат» у русыфікацыі палякаў Беларусі. Яму адказала Анжаліка Борыс
8 чэрвеня 2018
Лідэр «Выбарчай акцыя палякаў Літвы» Вальдэмар Тамашэўскі раскрытыкаваў тэлеканал "Белсат". Паводле літоўскага эўрадэпутата, «"Белсат" на беларускай мове русыфікуе палякаў Літвы». Пра гэта палітык заявіў у эфіры польскага каталіцкага тэлеканалу «TV Trwam».
— Чаму 25 мільёнаў злотых ідзе на тэлевізію Белсат, якая на беларускай мове русыфікуе палякаў у Беларусі. А чаму мы, у Літве, ня маем польскамоўнага каналу?» — сказаў Тамашэўскі.
Вальдэмар Тамашэўскі амаль 20 гадоў узначальвае галоўную польскую партыю Літвы. Быў дэпутатам літоўскага Сэйму, у 2014 годзе быў абраны дэпутатам Эўрапейскага парлямэнту.
Пракамэнтаваць заяву Вальдэмара Тамашэўскага Свабода папрасіла старшыню Саюзу палякаў Беларусі Анжаліку Борыс.
«Белсат незалежны канал і на сёньня гэта адзіная незалежная тэлевізія ў Беларусі. Там ёсьць перадача для палякаў і пра палякаў, па-польску — «Nad Niemnem». Гэта каштоўная тэлевізія. У Беларусі вялікія праблемы са свабодай слова, блякуецца партал «Хартыя’97″. І таму Белсат мае вялікае значэньне. І для беларусаў, і палякаў, грамадзян Беларусі. І я не пагаджаюся з дэпутатам Тамашэўскім, што Белсат русыфікуе. Наадварот. Белсат супраціўляецца татальнай русыфікацыі Беларусі», — сказала Борыс у інтэрвію Свабодзе.
Вялізны скандал у Літве некалькі гадоў таму выклікала зьяўленьне Тамашэўскага на Антокальскіх могілках з георгіеўскай стужкай на пінжаку.
Сам палітык тлумачыў, што лічыць стужку сымбалем рыцарскага духу. Мясцовая эліта тлумачыла, што гэта быў тактычны крок у польска-літоўскай палітычнай гульні, каб здабыць прыхільнасьць расейскамоўных выбарцаў у Літве.
@bajmedia
Сацсеткі «Аршанскай газеты» змясцілі паклёпніцкі допіс пра Ігара Казмерчака — рэдактара orsha.eu
30.07.2024
Не даць забыць пра Беларусь. Прадстаўнікі БАЖ у Хельсінкі прымуць удзел у адкрыцці выставы пра зняволеных калег
08.08.2024
Выклікалі на працу, а адвезлі ў РУУС — падрабязнасці затрымання аператара АНТ Антона Казельскага
23.05.2024
В Гомеле лояльные блогеры были вынуждены удалить все видео с критикой властей
14.01.2024
