Лунінецкія БАЖаўцы: ігнараваць палітычныя тэмы рэгіянальным СМІ нельга
1 жніўня 2016
Такую выснову зрабілі удзельнікі прэс-клуба, якія адбыўся ў Лунінецкай філіі ГА “БАЖ”. На яго былі запрошаны калегі з Піншчыны і Століншчыны.
Тэма прэс-клуба “Асвятленне грамадска-палітычнага жыцця ў рэгіянальных СМІ” надзвычай актуальная у сувязі з сёлетняй выбарчай кампаніяй, гаворыць рэдактар сайта “Медиа-Полесье” Святлана Гарда.
– Інфармацыйная пляцоўка павінна надавацца кандыдатам на роўных умовах. Журналістам трэба аб’ектыўна ставіцца і да прэс-рэлізаў, якія дасылаюць палітычныя партыі і структуры, – гаворыць Святлана.
Пра асвятленне грамадскіх і палітычных тэм у лунінецкім штотыднёвіку “Информ-прогулка” на сустрэчы распавёў Вадзім Жылко. Дыскусія выйшла за рамкі выбарчай тэматыкі. На канкрэтных прыкладах удзельнікі прэс-клуба разважалі пра ўзаемадносіны СМІ і чытачоў.
Падсумоўваючы вынікі, усе прысутныя пагадзіліся, што ігнараваць палітычныя тэмы рэгіянальныя СМІ не маюць права, але пры гэтым павінны захоўваць сваю самастойнасць ад уладных і палітычных структураў. Увогуле ж шмат што залежыць ад рэдакцыйнай палітыкі таго ці іншага выдання.
@bajmedia
«9 з 10 забойстваў застаюцца беспакаранымі». 2 лістапада — Міжнародны дзень спынення беспакаранасці за злачынствы супраць журналістаў
02.11.2024
Прызначаная дата завочнага суду над праваабаронцам Леанідам Судаленкам
30.05.2024
ГУБАЗіК затрымаў вядучую і гукарэжысёра «Альфа радыё»
19.02.2024
Журфак БГУ открыл филиал в телерадиокомпании «Мир»
04.01.2024
