Магілёўца судзяць за рэпост у сацсетках з заклікам на мітынг
29 верасня 2016
Станіслаў Паўлінковіч зрабіў у сацыяльнай сетцы “Вконтакте” перапост інфармацыі са старонкі палітыка Міколы Статкевіча. Там быў заклік прыйсці на мітынг “За Свабодныя выбары” 12 верасня ў 18.00 на Кастрычніцкую плошчу ў Мінску.
Міліцыянты лічаць, хлопец заклікаў на несанкцыянаваны мітынг, чым парушыў закона “Аб масавых мерапрыемствах” і адпаведнае палажэнне Адміністрацыйнага кодэкса (арт. 23.34).
12 верасня магілёўскія міліцыянты прэвентыўна затрымалі Паўлінковіча і даставілі ў Ленінскі РАУС. Там яго пратрымалі шэсць гадзін і склалі пратакол аб адміністратыўным правапарушэнні.
20 верасня суддзя Валянціна Лапаціна адправіла пратакол у РАУС на дапрацоўку. Калі суд прызнае Паўлінковіча вінаватым, яму пагражае штраф да 630 рублёў (30 базавых велічыняў) альбо арышт.
Несанкцыяваны мітынг «За свабодныя выбары» прайшоў увечары 12 верасня на Кастрычніцкай плошчы ў Мінску. Яго ўдзельнікі патрабавалі правесці новыя адкрытыя і сумленныя выбары. Ініцыятарамі мітынгу выступалі Мікола Статкевіч і Уладзімір Някляеў. У акцыі прынялі ўдзел каля 100 чалавек.
@bajmedia
Пасля арышту выйшаў на волю журналіст Сяргей Гардзіевіч
09.02.2024
Еўрапарламент ухваліў рэзалюцыю аб становішчы палітвязняў у Беларусі, у ёй згадалі журналіста Свабоды Ігара Лосіка
19.09.2024
Святлана Ціханоўская заклікала міністра замежных спраў Польшчы захаваць «Белсат»
11.07.2024
Літва адмовіла журналісту Алегу Баршчэўскаму ў палітычным прытулку
25.03.2024
