КДБ адмовіўся паказаць БАЖу спіс аб’ектаў, якія нельга фатаграфаваць ДАКУМЕНТ
25 красавіка 2017
Камітэт дзяржаўнай бяспекі адмовіўся прадаставіць ГА “Беларуская асацыяцыя журналістаў” пералік асабліва рэжымных і рэжымных аб’ектаў, якія ў Беларусі забаронена фатаграфаваць.
Паводле першага намесніка КДБ Ігара Сяргеенкі, гэтыя звесткі адносяцца да інфармацыі, прадастаўленне якой абмежавана.
— Мы сутыкаемся з нонсенсам прававой сістэмы, калі мы, журналісты, у нашай жа краіне не можам нават даведацца спіс аб’ектаў, якія нам забаронена фатаграфаваць і здымаць на відэа, — каментуе адказ КДБ прэс-сакратар ГА “Беларуская асацыяцыя журналістаў” Барыс Гарэцкі.
Цікава, што звярталася ГА “Беларуская асацыяцыя журналістаў” у Савет Міністраў, адкуль запыт чамусьці быў перанакіраваны ў КДБ.
Канфлікты, звязаныя з забаронай праводзіць фота- і відэаздымку пэўных аб’ектаў рэгулярна здараюцца ў Беларусі. Часта міліцыя і супрацоўнікі аховы спасылаюцца на тое, што той ці іншы аб’ект з’яўляецца рэжымным. Аднак праверыць гэта, як мы бачым, немагчыма.
@bajmedia
«Каму належыць Вільня»: пра што пісала газета «Крыніца» ў 1925 годзе
23.08.2024
«Гэта не параноя, а рэальнасць». Чаму ў Telegram з’яўляюцца «двайнікі» тых, хто даўно не карыстаецца сваімі беларускімі нумарамі
01.02.2024
Сайт госагентства БелТА после взлома не открывается из-за границы, но работает в Беларуси
04.01.2024
«Хацеў бы выйсці — напісаў бы прашэнне». Лукашысты працягваюць спробы зламаць Пачобута
11.07.2024
