На журналістку-фрылансера Тамару Шчапёткіну заведзеная адміністрацыйная справа за працу без акрэдытацыі
15 кастрычніка 2018
Незалежную журналістку з Бярозы, сябру ГА “БАЖ” Тамару Шчапёткіну 12 кастрычніка выклікалі ў Бярозаўскі РАУС, дзе склалі чарговы пратакол за парушэнне заканадаўства аб СМІ. Гэтым разам падставай для адміністрацыйнага пераследу стаў культурніцкі рэпартаж “У Белаазёрску прэзентавалі юбілейны нумар “Жырандолі”, які быў апублікаваны на сайце “Радыё Рацыя”.
Журналістка зазначае, што толькі сёлета гэта ўжо чацвёрты пратакол, складзены паводле артыкула 22.9 Кодэкса РБ аб адміністрацыйных правапарушэннях (незаконны выраб і распаўсюд прадукцыі СМІ).
“Калі ж улічыць, што некаторыя пратаколы перарабляліся па два-тры разы, а супрацоўнікамі Баранавіцкага РАУС увогуле фальсіфікаваліся, дык можна ўявіць, які пераслед за прафесійную журналісцкую дзейнасць адбываецца”, — кажа Тамара Шчапёткіна.
У новай заведзенай справе журналістку больш за ўсё засмучвае той факт, што ў якасці сведак выступілі супрацоўнікі бібліятэкі імя Ніны Мацяш у Белаазёрску. Добра ведаючы пра ціск на Шчапёткіну, яны прадставілі ў міліцыю ў якасці “доказаў вінаватасці” фотаздымкі з імпрэзы, на якой прысутнічала і журналістка.
@bajmedia
«42 месяца. 1276 дней…» Близкие Катерины Андреевой напомнили, что журналистка уже 3,5 года в тюрьме
15.05.2024
Сёння пачалі судзіць рэдактара «Рэгіянальнай газеты» Аляксандра Манцэвіча
27.09.2023
У Латвіі забаранілі доступ да сайтаў АНТ і «СБ. Беларусь сегодня». Мінінфарм абурыўся
19.03.2024
Апеляцыйную скаргу журналіста Аляксандра Зянкова Вярхоўны суд будзе разглядаць 16 красавіка
12.04.2024
