Незалежных журналістаў Таццяну Смоткіну і Змітра Лупача выклікаюць у міліцыю па «ПОВЕСКАХ»
13 снежня 2017
Сёння незалежныя журналісты з Глыбокага, сябры ГА “БАЖ” Таццяна Смоткіна і Зміцер Лупач мусяць явіцца ў Докшыцкі РАУС у якасці правапарушальнікаў. Позвы ў міліцыю журналісты атрымалі напярэдадні – 12 снежня.
Докшыцкі РАУС распачаў адміністрацыйныя справы супраць Т. Смоткінай і З. Лупача паводле артыкула 22.9 “Парушэнне заканадаўства аб сродках масавай інфармацыі”. Журналісты мусяць даць паказанні наконт матэрыялаў, што выйшлі на “Радыё Рацыя” і тэлеканале “Белсат”. У іх распавядалася пра тое, як мясцовы грамадскі актывіст Кастусь Шыталь збіраў подпісы за стварэнне прыпынку цягніка Мінск-Полацк на станцыі Параф’янава.
Міліцыянты, відаць, так спяшаліся выклікаць журналістаў, што позвы, ці “повески”, як у іх атрымалася, напісалі са шматлікімі граматычнымі памылкамі.
@bajmedia
Крымінальная справа супраць Юрыя Дракахруста, Ганны Любаковай і яшчэ 18 чалавек перададзена ў Генпракуратуру
28.03.2024
Два гады пазбаўлення волі і гіганцкі штраф у 20 тысяч рублёў за «супрацоўніцтва» з «Белсатам»
22.04.2024
Настассю Мацяш, асуджаную за супрацу з «Белсатам», унеслі ў «спіс экстрэмістаў»
19.07.2024
«Бацька мае рацыю!» Што за дзяўчына вядзе тыкток БТ?
20.06.2024
