Новы фотапраект Аляксандра Васюковіча: Пра вайну, але супраць яе

Паводле журналіста, ён рабіў гэтыя фотаздымкі падчас працы на ўсходзе Украіны на просьбу салдат, якія хацелі сфатаграфавацца на памяць. “Я фатаграфаваў і адпраўляў атрыманыя здымкі людзям, якія на іх адлюстраваныя, іх дзецям, жонкам, сябрам”.

«Мы кожны дзень бачым розныя фота “на памяць” у інтэрнэце. Але якая гісторыя стаіць за фатаграфіяй чалавека, які пайшоў на фронт? Цяпер, праз паўтара гады пасля таго, як гэтыя фота былі знятыя, я вырашыў даведацца і расказаць, што адбылося з гэтымі людзьмі», – прэзентуе свой фотапраект Аляксандр.

«Сухія лічбы пра колькасць загінулых ужо не чапляюць людзей моцна, гэта статыстыка. Але калі бачыш твар, ведаеш пра абставіны і месца смерці, што пасля гэтага адбывалася з роднымі і блізкімі – усё ўспрымаецца зусім па-іншаму. І самае галоўнае – за каго б ні ваявалі салдаты на гэтых фотаздымках, гэтая гісторыя заўсёды паўтараецца для ўсіх, незалежна ад боку, і ўсё гэта адбываецца на кожнай вайне, якая нічога не вырашае, а толькі прыносіць смерць, разбурэнні і нянавісць».

Фота і тэкст апублікаваныя з дазволу аўтара.

ГЛЯДЗЕЦЬ УВЕСЬ ПРАЕКТ.