Памёр генеральны сакратар міжнароднай арганізацыі «Рэпарцёры без межаў» Крыстоф Дэлуар
10 чэрвеня 2024
У суботу, 8 чэрвеня 2024, ў Парыжы памёр генеральны сакратар міжнароднай арганізацыі «Рэпарцёры без межаў» Крыстоф Дэлуар. Яму было 53 гады. Ён кіраваў арганізацыяй 12 год.
Крыстоф Дэлуар. Фота: Facebook
Прычынай яго смерці стала анкалагічнае захворванне, паведамляецца на сайце арганізацыі.
«Крыстоф Дэлуар быў нястомным абаронцам свабоды, незалежнасці і плюралізму журналістыкі на ўсіх кантынентах ва ўмовах інфармацыйнага хаосу. Журналістыка была справай яго жыцця, і ён змагаўся з непахіснай перакананасцю», — піша RSF.
Дэлуар пачынаў як палітычны журналіст і расследавальнік у штотыднёвіку Le Point, быў рэдактарам у выдавецтве «Фламарыён» і дырэктарам Цэнтра падрыхтоўкі журналістаў.
У 2012 годзе Дэлуар узначаліў арганізацыю «Рэпарцёры без межаў» — гэта міжнародны саюз журналістаў, які займаецца барацьбой з цэнзурай і за свабоду прэсы. Пад яго кіраўніцтвам RSF адкрылі аддзяленні ў Лондане, Рыа-дэ-Жанейра, Тайбэі і Дакары. Цяпер у арганізацыі 13 офісаў па ўсім свеце, а таксама прадстаўнікі і карэспандэнты ў 130 краінах. Пры ім была сфарміравана Камісія па інфармацыі і дэмакратыі, якая займаецца пытаннямі гарантый дэмакратыі ў лічбавай прасторы.
@bajmedia
Як Reform.news змагаўся з міграцыйным крізісам і фэйкамі. Вопыт рэдакцыі
07.06.2024
Першы прэзідэнт Літвы прамаўляў прысягу ў тым ліку па-беларуску. На якіх прыкладах беларусам і літоўцам лепш зразумець адзін аднаго
14.12.2023
На границе Литвы и Беларуси прошла акция солидарности с задержанными журналистами
28.05.2021
«Такое можна ўбачыць толькі ў кіно». Эстонскі фатограф зняў навальніцу падчас паўночнага ззяння
05.08.2024
