Пастаўскія міліцыянты ўручылі Змітру Лупачу яшчэ адну позву з’явіцца ў РУУС

Паводле слоў журналіста, спачатку ён каля дзвюх гадзін проста сядзеў у дзяжурцы, а пасля яго запрасілі ў кабінет для складання пратакола.

Зміцер Лупач адмовіўся даваць паказанні, спаслаўшыся на 27-мы артыкул Канстытуцыі, які дае права не сведчыць супраць сябе. Пасля гэтага капітан міліцыі Аляксандр Кішко ўручыу яму новую позву: 12 лютага Змітру трэба будзе зноў явіцца ў Пастаўскі РАУС, але ўжо ў якасці сведкі.

Па якой справе выклікаюць у позве не паведамляецца. Як мяркуе журналіст, хутчэй за ўсё яна будзе тычыцца відэасюжэта пра мясцовага фітнес-трэнера і закрыццё яго трэніровачнай залы. Мужчына выклаў у Insta­gram фотаздымкі з журналістамі «Белсата», зробленыя, калі яны прыязджалі да яго ў Паставы.