Паўла Севярынца этапавалі ў шклоўскую калёнію
18 верасня 2021
«Сёньня этапавалі нашага дарагога Паўла Севярынца. Яго новае месца гэта горад Шклоў, ІК-17, там, дзе сядзеў Вітальд Ашурак. Лісты цяпер трэба пісаць туды, бліжэйшыя два тыдні з пазнакай „карантын“, пасьля стане вядомы атрад», — напісала ў фэйсбуку жонка палітыка Вольга Севярынец.
Исправительная колония №17 находится по адресу: 213004, г. Шклов, ул. 1-я Заводская д.8.
Яна таксама расказала пра цяперашні стан бацькі Паўла, Канстанціна Севярынца, які разам жонкай Тацянай нядаўна моцна захварэў на каранавірус і трапіў у інфэкцыйны шпіталь Віцебску.
«Нашаму тату ўсё яшчэ дрэнна, асабліва ноччу. Нам застаецца толькі маліцца за нашых родных і спадзявацца на Бога. Прашу ўзгадваць нашу сям’ю ў малітвах», — напісала Вольга.
Павал Севярынец — апазыцыйны палітык, сузаснавальнік партыі «Беларуская хрысьціянская дэмакратыя», пісьменьнік. Сёлета ў сьнежні яму споўніцца 45 гадоў. Быў затрыманы супрацоўнікамі міліцыі летась 7 чэрвеня. Тады яму вынесьлі тры прысуды аб адміністрацыйных арыштах па 15 дзён кожны за ўдзел у перадвыбарчых пікетах і за заклікі да ўдзелу ў масавых мерапрыемствах. Далучылі 30 дзён арышту за ўдзел у антыінтэграцыйных акцыях пратэсту ў сьнежні 2019 і студзені 2020 гадоў.
Пасьля 75 дзён Паўла Севярынца ня выпусьцілі на волю, а перавялі ў СІЗА № 1 у статусе падазраванага паводле арт. 293 КК (арганізацыя масавых беспарадкаў). Там выставілі абвінавачаньне.
25 траўня ў Магілёўскім абласным судзе Севярынцу абвясьцілі прысуд. Судзьдзя Ірына Ланчава асудзіла палітыка на 7 гадоў калёніі ўзмоцненага рэжыму.
27 жніўня апэляцыйны суд пакінуў прысуд палітыку ў сіле.
@bajmedia
Па месцы рэгістрацыі намесніка старшыні БАЖ прыходзілі з ператрусам
17.05.2024
Сайт «Позірк» і тэлеграм-канал «WARTA — беларускае нацыянальнае медыя» аб’яўленыя ўладамі «экстрэмісцкімі матэрыяламі»
08.12.2023
У Магілёве затрымалі блогера і журналіста Алеся Сабалеўскага
13.12.2023
Журналіст «Радыё Свабода» Андрэй Кузнечык за кратамі ўжо 1000 дзён
21.08.2024
