Прызначана дата суда над журналістам Сяргеем Гардзіевічам
14 чэрвеня 2021
Стала вядома, што працэс над карэспандэнтам інтэрнэт–партала “Першы рэгіён” (1reg.by), якога абвінавачваюць у тым ліку “у абразе прэзідэнта Беларусі”, пачнецца 24 чэрвеня ў судзе Іванаўскага раёна.
Судзіць Сяргея Гардзіевіча будуць паводле трох артыкулаў Крымінальнага кодэкса: арт. 188 (паклёп), арт. 368 частка 1 (публічная абраза прэзідэнта Рэспублікі Беларусь) і арт. 369 (абраза прадстаўніка ўлады).
Працэс адкрыты.
Сутнасць абвінавачванняў палягае ў тым, што Сяргей Гардзіевіч нібыта распаўсюджваў абразлівыя каментары ў адным з мясцовых вайбер-чатаў. Хто насамрэч апублікаваў допіс і ці быў ён у рэчаіснасці (а таксама ці з’яўляўся абразлівым) будзе разбірацца суд. Сам журналіст віну не прызнае, а таксама адмаўляецца даваць якія-небудзь паказанні супраць сябе.
Сяргея Гардзіевіча затрымалі супрацоўнікі АМАП напрыканцы снежня мінулага года па дарозе ў Брэст. Некаторы час журналіст правёў у ізалятары, а пасля яго перавялі пад хатні арышт у Драгічыне.
За гэты час у кватэры Сяргея Гардзіевіча тройчы адбываўся ператрус. Падчас апошняга (у лютым 2021 года) з хаты забралі нават мадэм, які належыць прадпрыемству “Белтэлекам”. Якое дачыненне можа мець да справы мадэм, які не захоўвае ніякай інфармацыі, не зразумела.
На пачатку траўня карэспандэнту “Першага рэгіёна” змянілі меру стрымання пад падпіску аб нявыездзе.
@bajmedia
Дзяржаўная газета з Пінска заклікае чытачоў збіраць падарункі для дзяцей Данбаса
15.12.2023
«Намагаемся не згубіць нашу лёгкасць»: у лістападзе стартуе другі сезон праекта «Kanaplev+Leidik: Без рэтушы»
10.10.2024
Мінінфарм папоўніў «экстрэмісцкі» спіс сайтамі з Брэсцкай вобласці
20.02.2024
Архіў сайтa холдынга «Культура і Мастацтва» стаў недасяжным для наведвальнікаў
18.06.2024
