Шорт-ліст “Індэкса цэнзуры”: без “Народнай волі”, але з Беларускім свабодным тэатрам

Беларускай недзяржаўнай газеты “Народная воля”, якія фігуравала ў лонг-лісце намінацыі “Журналістыка”, сярод прэтэндэнтаў няма. Няма там таксама французскага часопіса “Char­lie Heb­do” і азербайджанскай журналісткі Хадзіджы Ісмаілавай. Асноўныя прэтэндэнты на ўзнагароду – журналісты Zaina Erhaim (Сірыя), Mada Masr (Егіпет), Hamid Mir (Пакістан), Prav­it Rojanaphruk (Таіланд) і Fer­it Tunc (Турцыя).

Затое ў шорт-лісце намінацыі “Мастацтва” – Беларускі свабодны тэатр.

У сваім конкурсе “Свабода слова” арганізацыя “Індэкс цэнзуры” ўзнагароджвае людзей і праекты, якія ў небяспечных і складаных умовах змагаюцца за свабоду слова.

Няўрадавыя арганізацыі і медыяарганізацыі намінавалі на прэмію журналістаў і грамадскіх актывістаў, чыя сфера дзейнасці – свабода слова, у чатырох катэгорыях:

• Прававая абарона,
• Грамадзянская актыўнасць у галіне лічбавай журналістыкі,
• Журналістыка,
• Мастацтва.

Абвяшчэнне вынікаў і цырымонія ўзнагароджання запланаваныя на красавік.