Следчы камітэт вярнуў тэхніку «Белсату»
11 красавіка 2019
Следчы камітэт Беларусі вярнуў супрацоўнікам тэлеканала «Белсат» забраную падчас ператрусу 9 красавіка тэхніку.
Пра гэта напісала на сваёй старонцы ў Facebook дырэктар каналу Агнешка Рымашэўская.
Журналіст Мікола Дзябёла, які быў у офісе падчас ператрусу, распавёў, што следчыя забралі два сістэмныя блокі кампутараў, тры ноўтбукі, усе носьбіты інфармацыі.
Мікола Дзябёла мяркуе, што ператрус і крымінальная справа могуць быць звязаныя з выбарчымі кампаніямі, што маюць адбыцца ў Беларусі.
Афіцыйны прадстаўнік Следчага камітэта Сяргей Кабаковіч пацвердзіў, што вобшук праводзіўся ў межах расследавання справы паводле артыкула 188 Крымінальнага кодэкса — паклёп.
Летам 2018 года журналіст Алесь Залеўскі падрыхтаваў відэасюжэт пра карупцыю ў Міністэрстве аховы здароўя, дзе паведамлялася пра затрыманне кіраўніка дзяржпрадпрыемства «Медтехноцентр» Алега Шведа.
Але тэкставая версія на сайце тэлеканала не адпавядала відэа. У тэксце паведамлялася, што затрыманы не толькі Алег Швед, але і яго брат Андрэй, кіраўнік Дзяржкамітэта судовых экспертыз.
— Мы адразу, як заўважылі, далі абвяржэнне, выправілі памылку. Але Андрэй Швед напісаў заяву на імя Шуневіча з патрабаваннем прыцягнуць мяне да адказнасці па двух крымінальных артыкулах — паклёп і дыскрэдытацыя дзяржаўных органаў, — патлумачыў Залеўскі
БАЖ пратэстуе супраць ператрусу на «Белсаце» і новай крымінальнай справы — заява Праўлення
«Возвращение в Бобруйск» — презентация книги журналиста Эдуарда Мельникова 17 апреля в офисе БАЖ
@bajmedia
У Ваўкавыску судзяць зняволенага блогера Паўла Вінаградава
06.12.2023
BYSOL прапануе беларусам за мяжой падтрымаць адзін з напрамкаў яго дзейнасці
22.03.2024
Свярдлоў пра праект з Маланкай: «Мы самі яшчэ не абвяшчалі публічна ні пра стварэнне кансорцыума, ні пра канкрэтныя праекты»
25.09.2023
Праграма «Радыё Рацыя» будзе гучаць на хвалях латвійскага «Радыё‑4»
11.07.2024
