Стаць прафесійнымі арганізатарамі — у Мінску стартаваў лідарскі курс БАЖ

— Беларуская асацыяцыя журналістаў існуе ўжо 23 гады, і ўвесь час мы імкнёмся вырошчваць унутры арганізацыі новых лідараў. Тых людзей, якія будуць праяўляць ініцыятыву, рэалізоўваць ідэі і ў будучыні павядуць арганізацыю за сабой. На гэта і накіраваны курс, — гаворыць намесніца старшыні ГА “БАЖ” Аліна Суравец.

Цягам чатырох месяцаў з удзельнікамі будуць працаваць мясцовыя і замежныя эксперты. У праграме: асабістая падрыхтоўка і праца ў камандзе, уменне вырашаць канфлікты, арганізацыя навучальных і грамадскіх мерапрыемстваў, бяспека, эфектыўная камунікацыя і многае іншае.