У Азербайджане працягваюцца арышты незалежных журналістаў
17 студзеня 2024
Паліцыя Азербайджана затрымала палітаглядальніка рэгіянальнага выдання JAMnews Шахіна Рзаева. Як зазначае Руская служба BBC, гэта ўжо 14-ты супрацоўнік СМІ, якога ў Азербайджане арыштавалі з лістапада 2023 года.
Шахін Рзаеў — вядомы на Паўднёвым Каўказе эксперт у галіне Карабахскага канфлікту. Раней ён з канца 1990‑х па 2016 год узначальваў азербайджанскае аддзяленне Брытанскага Інстытута вывучэння вайны.
Паліцыя затрымала спадара Рзаева, калі той выйшаў з дому ў краму за хлебам. Журналіста абвінавацілі ў дробным хуліганстве і прызначылі яму 15 сутак адміністрацыйнага арышту.
Руская служба BBC удакладняе, што многія звязваюць арышты незалежных журналістаў з пазачарговымі прэзідэнцкімі выбарамі, якія пройдуць у Азербайджане 7 лютага 2024 года.
Апроч журналістаў пацярпелі таксама іх сябры: блізкіх да медыйшчыкаў людзей выклікаюць на допыты, замарожваюць ім банкаўскія рахункі, у тым ліку тыя, на якія пералічвалася грашовая дапамога па інваліднасці.
Чытайце яшчэ:
Вызвалілі дзвюх іранскіх журналістак, якія раней былі асуджаныя на вялікія тэрміны
Аўтамабільны партал ABW абвясціў аб аднаўленні працы, але з іншымі заснавальнікамі
У Брэсце суды павялічылі «экстрэмісцкі» спіс за кошт СМІ, але зрабілі гэта з памылкамі
@bajmedia
У Кіеве стралялі ў казахстанскага журналіста. Зараз ён у цяжкім стане
19.06.2024
У Латвіі прапануюць забараніць TikTok з‑за распаўсюду расійскай прапаганды
17.07.2024
Расійскія сілавікі ўзбудзілі крымінальныя справы супраць карэспандэнта CNN і дзвюх украінскіх журналістак
22.08.2024
Сайт «Рэпарцёраў без межаў» заблакавалі ў Расіі
22.04.2024
