У Бабруйску задаліся пытаннем «Як выжыць інтэрнэт-выданню?»
19 кастрычніка 2016
Сябры ГА “БАЖ”з Бабруйску правялі семінар на тэму «Вопыт работы інфармацыйных інтэрнэт-выданняў у рэгіёне», у якім прынялі ўдзел дзесяць чалавек.
Семінар прайшоў на базе электроннай газеты «Бобруйский курьер». Лектарам выступіў інтэрнэт-менеджэр, які супрацоўнічае з «БК».
Былі разгледжаныя пытанні прасоўвання падобных праектаў у інтэрнэце, методыка працы персанала сайту, спосабы заробку ў сучасных умовах.
Галоўнай тэмай і лейтматывам семінара была праблематыка развіцця й выжывання электроннага выдання ў рэгіёне, — выжывання творчага, тэхнічнага, фінансавага, кадравага.
З дапамогай слайдаў удзельнікі мерапрыемства разгледзелі найбольш удалыя інтэрнэт-праекты, абмеркавалі свае творчыя, тэхнічныя магчымасці для далейшага развіцця сайта «Бобруйский курьер», выказалі прапановы, ідэі і заўвагі.
«Такі семінар — важны, вельмі своечасовы, бо многія з нас «газетныя» журналісты, якія не знаёмыя з шэрагам патрабаванняў інтэрнэт-журналістыкі, інтэрнэт-СМІ. Між тым журналісты, тэхнічны персанал сайтаў павінны адпавядаць, так бы мовіць, сучасным выклікам. Без гэтага, без падобнага роду ведаў і вопыту немагчыма рабіць паспяховы інтэрнэт-праект», — кажа галоўны рэдактар «Бобруйского курьера» Анатоль Санаценка.
Сайт «Бобруйского курьера» быў заснаваны ў чэрвені 1998 года. За мінулыя гады неаднаразова мадэрнізаваўся, уводзіліся новыя рубрыкі, мультымедыя, опцыі і функцыі. Апошнія па часе змены былі зробленыя ў студзені гэтага года: на сайце быў зроблены рэдызайн; ён пераехаў на новую, сучасную платформу.
@bajmedia
Папаўненне ў «экстрэмісцкім спісe» Мінінфарма: група Reform.news у «Одноклассниках» і пост «Белсата» ў Telegram
04.06.2024
Сілавікі апублікавалі відэа з затрыманай супрацоўніцай медыя, высвятляем яе асобу
16.02.2024
Праект «Чаго брэшаш?», які займаецца разборам прыёмаў дзяржпрапаганды, прызнаны «экстрэмісцкім фарміраваннем»
11.04.2024
На Дзяды еўрапейскія дыпламаты наведалі Курапаты. Там іх чакаў дэсант дзяржаўнай прэсы
31.10.2023
