У Брэсце затрымалі блогера падчас акцыі пратэсту
2 чэрвеня 2019
Блогер Сяргей Пятрухін днём 2 чэрвеня вёў жывую трансляцыю з плошчы Леніна ў Брэсце, дзе зноў кармілі галубоў у знак пратэсту супраць акумулятарнага завода. Маўклівая акцыя зноў прайшла пад музыку — на плошчы ішоў заключны гала-канцэрт міжнароднага харэаграфічнага фестывалю, паведамляе "Брэсцкая газета".
Па словах праваабаронцы Уладзіміра Вялічкіна, на плошчы было каля 140 пратэстоўцаў. Прыкладна ў 12.45 яны пайшлі па цэнтральных вуліцах горада, колькасць людзей вырасла да двух сотняў.
Непадалёк ішоў, не перарываючы стрым, і Сяргей Пятрухін. Яго запіхнулі ў машыну на рагу вуліц Маякоўскага і Савецкай і павезлі ў невядомым кірунку. Хутчэй за ўсё, ён у Ленінскім РАУС.
Калона дайшла да кінатэатра «Беларусь», пасля чаго людзі разышліся. Усё праходзіла пад наглядам міліцыі. Ці былі яшчэ затрымання, пакуль што інфармацыі няма.
Сяргей Пятрухін вядомы сваімі відэаролікамі на вострыя сацыяльныя тэмы. З 2018 года разам з блогерам з Бярозы Аляксандрам Кабанавым на YouTube-каналах «Народны рэпарцёр» і «YouTube-дэпутаты» асвятляе тэму будаўніцтва пад Брэстам акумулятарнага завода. За сваю актыўнасць блогеры неаднаразова прыцягваліся да адміністрацыйнай адказнасці.
@bajmedia
Больш за 11 мільёнаў долараў накіруюць на запуск медыяхолдынга Саюзнай дзяржавы
11.03.2024
Дэмсілы дамагаюцца санкцый ЕС у дачыненні да тэлеканалаў АНТ і СТБ
28.04.2024
Былога відэааператара АНТ Антона Казельскага ўключылі ў «экстрэмісцкі спіс» МУС
03.09.2024
Еўрапейскія дыпламаты напісалі лісты зняволеным беларускім журналістам
03.05.2024
