У Брэсце зноў абмежавалі доступ журналістаў на судовы працэс
1 лютага 2019
У судзе Ленінскага раёна Брэста 1 лютага агучаны прысуд паводле справы двух супрацоўнікаў міліцыі, якія абвінавачваліся ў махлярстве, перавышэнні ўлады, а таксама крадзяжы шляхам злоўжывання службовымі паўнамоцтвамі. Шэраг журналістаў ахоўнікі не прапусцілі асвятляць працэс з-за “недахопу месцаў” у зале.
Як стала вядома службе маніторынгу ГА “Беларуская асацыяцыя журналістаў”, яшчэ да пачатку судовага пасяджэння невядомыя асобы ў цывільным занялі залу, дзе мусіў быць абвешчаны прысуд. Пасля гэтага супрацоўнікі міліцыі пачалі абмяжоўваць доступ людзей у гэтае памяшканне, спаслаўшыся на недахоп месцаў.
Было заўважана, што абмежаванні ў першую чаргу тычыліся тых, хто мог зрабіць фота- і відэазапіс з залы суда. У выніку на судовы працэс не здолелі трапіць журналістка інфармагенцтва БелаПАН Мілана Харытонава, блогер Сяргей Пятрухін, а таксама праваабаронца Уладзімір Вялічкін.
Акрамя таго, міліцэйскі канвой не даваў рабіць фотаздымкі тым, хто ўсё ж патрапіў у залу пасяджэнняў.
Нагадаем, што на гэтым тыдні ў судзе Брэсцкага раёна сябру ГА “БАЖ”, журналісту мясцовага сайта “Першы рэгіён” Алегу Супрунюку таксама не дазволілі наведаць судовы працэс па рэдакцыйным пасведчанні, спаслаўшыся, што падставай для пропуску можа быць толькі пашпарт.
@bajmedia
Рэдактар глыбоцкай раёнкі працягвае абражаць апазіцыю і пужаць чытачоў вайной
05.02.2024
Івулін і Астапеня запусцілі YouTube-шоу пра падарожжы і выбітных беларусаў
10.09.2024
Уладзімір Пярцоў у Драгічыне выказаўся пра якасць працы дзяржаўных СМІ
26.10.2023
Стала вядома, за што палітвязень Ігар Лосік трапіў у ПКТ, дзе знаходзіцца паўгода
16.10.2023
