У Гродне затрымалі журналістаў падчас асвятлення мірнай акцыі пратэсту
28 верасня 2020
У Гродне 27 верасня былі затрыманыя чацвёра журналістаў. Некаторых з іх адпусцілі, іншыя дагэтуль знаходзяцца пад вартай.
Байцы спэцпадраздзяленняў МУС вядуць затрыманага журналіста Ігара Бублікава (Рэмзіка)
Падчас асвятлення мірнай акцыі пратэсту супрацоўнікамі праваахоўных органаў былі затрыманыя: журналістка парталу TUT.by Вольга Камягіна і фотакарэспандэнтка Кацярына Гардзеева, а таксама карэспандэнтка Hrodna.life Алена Кавальчук. Пасля праверкі дакументаў і прафілактычнай гутаркі іх адпусцілі.
Рэдактара інфармацыйнага рэсурсу newgrodno.by Ігара Бублікава (Рэмзіка) сілавікі затрымалі нягледзячы на тое, што на ім была камізэлька з надпісам “Прэса”. Журналіст пакуль не выйшаў з гарадзенскай турмы, ізалятар якой Кастрычніцкі РАУС выкарыстоўвае пад ізалятар часовага ўтрымання
Карэспандэнт службы маніторынгу ГА “БАЖ” 28 верасня звязаўся з начальнікам аддзялення інфармацыі і грамадскіх сувязяў УУС Гродзенскага аблвыканкама Яўгенам Дудко, каб высветліць лёс затрыманых напярэдадні калег. Але пасля просьбы ператэлефанаваць праз 40 хвілін, міліцыянт на сувязь больш не выходзіў.
@bajmedia
Вярхоўны суд разгледзіць скаргу на прысуд да зняволення экс-журналісткі Алены Цімашчук
13.08.2024
Вярхоўны суд разгледзіць апеляцыйныя скаргі відэааператара Вячаслава Лазарава і Таццяны Пыцько
20.11.2023
Выйшлі на волю былы журналіст БТ Дзмітрый Лукша і яго жонка Паліна Палавінка
23.08.2024
Аўтары Telegram-каналаў змогуць размяшчаць платны кантэнт і атрымліваць данаты ад карыстальнікаў
08.07.2024
