У Магілёве сябры ГА “БАЖ” абмеркавалі планы на 2016 год
28 снежня 2015
У грамадскім цэнтры “Кола” ў Магілёве 26 снежня адбыўся сход сябраў ГА “Беларуская асацыяцыя журналістаў” з розных рэгіёнаў Магілёўшчыны.
Усяго ў сходзе бралі ўдзел больш за дваццаць журналістаў з Магілёва, Крычава, Горак, Бялыніч, Клімавіч, Чэрыкава, Касцюковіч, Хоцімска і Шклова.
Напачатку мерапрыемства сябры арганізацыі павіншавалі з юбілеем журналіста з Хоцімска Валерыя Каранкевіча, якія нядаўна адзначыў 60-годдзе.
Валерый Каранкевіч
Падчас сходу журналісты Магілёўшчыны падвялі вынікі працы ў 2015 годзе, а таксама падзяліліся сваімі меркаваннямі наконт таго, якія сустрэчы і майстар-класы для сябраў ГА “БАЖ” варта зладзіць у рэгіёне ў 2016‑м. Перыядычна на сходзе ўзнікалі вострыя дыскусіі, аднак у выніку журналісты ўсё ж змаглі вызначыцца са спісам найбольш карысных і запатрабаваных мерапрыемстваў. Прапановы накіруюць у цэнтральны офіс ГА “БАЖ”.
Пасля сканчэння афіцыйнай часткі сходу яго ўдзельнікі зладзілі невялікую святочную вечарыну, прысвечаную 20-годдзю ГА “БАЖ” і Новаму году.
@bajmedia
У пералік «экстрэмісцкіх матэрыялаў» дадалі TikTok-акаўнты «Malanka Новости» і «Misha Gypsynkov»
11.03.2024
Незалежны беларускі фестываль фатаграфіі PhotoArtDoc аб’явіў пераможцаў. Пра што распавядаюць праекты фіналістаў?
29.10.2024
Маці журналісткі Вольгі Класкоўскай эвакуявалі з Беларусі
12.09.2024
Былая дырэктарка «Белсата» атрымала ўзнагароду ад прэзідэнта Польшчы
11.11.2024
