У Магілёве ў Сусветны дзень свабоды прэсы бажаўцы раздавалі спецвыпуск “Народнай Волі”
4 мая 2019
3 мая магілёўскія бажаўцы віншавалі мясцовых жыхароў з Сусветным днём свабоды прэсы. Журналісты Аляксандр Буракоў (старэйшы) і Барыс Вырвіч раздалі некалькі соцен экзэмпляраў газеты “Народная Воля”, якія прысвечаны свабодзе прэсы ў Беларусі.
У нумары газеты ад 30 красавіка 2019 года змешчаны адмысловы ўкладыш «Свабодная прэса: беларускія рэаліі», зроблены ў выніку сумеснага праекта “Народнай Волі” і Беларускай асацыяцыі журналістаў. На старонках спецпраекта распавядаецца пра тое, з якімі цяжкасцямі падчас сваёй працы сустракаюцца журналісты ў нашай краіны, як працуецца калегам у суседніх дзяржавах, можна азнаёміцца з інтэрв’ю старшыні БАЖ Андрэя Бастунца і міністра інфармацыі Аляксандра Карлюкевіча.
Журналісты раздавалі газету на пешаходнай вуліцы Ленінская у Магілёве. Месцічы пазітыўна паставіліся да акцыі бажаўцаў – усе асобнікі выдання разыйшліся літаральна за поўгадзіны. Таксама неакалькі дзесяткаў экзэмпляраў газеты з спецпраектам “Свабодная прэса: беларускія рэаліі” былі распаўсюджаны ў Бялынічах.
Сусветны дзень свабоды прэсы адзначаецца штогод, пачынаючы з 1994 года.
З Сусветным днём свабоды прэсы, калегі!
@bajmedia
Галоўны рэдактар «Радыё Рацыя»: «Што робяць еўрапейскія палітыкі дзеля вызвалення палітвязняў Беларусі?»
26.09.2023
«Мне радасна, што я сыходжу на піку». Кацярына Пытлева развіталася з камандай «Маланкі»
02.02.2024
Вярхоўны суд вызваліў Таццяну Пыцько з‑за кратаў, а відэааператару Вячаславу Лазараву зменшыў тэрмін пакарання
22.11.2023
БАЖ пачаў маніторынг прарасійскай прапаганды на дзяржтэлеканалах Беларусі
06.02.2024
