У Мінску — масавае судзілішча над незалежнымі журналістамі
14 снежня 2018
У судзе Першамайскага раёна Мінска сёння, 14 снежня, разглядаюцца ажно пяць адміністрацыйных спраў супраць беларускіх незалежных журналістаў. Усіх судзяць па сумна вядомым артыкуле 22.9 (ч.2) КаАП, то бок за незаконны выраб прадукцыі СМІ.
У якасці абвінавачаных – Вольга Чайчыц, Сяргей Кавалёў, Любоў Лунёва, Ірына Арахоўская, Сяргей Краўчук. Усіх іх вінавацяць у асвятленні дазволенай уладамі акцыі Дзяды 28 кастрычніка і вырабу відэапрадукцыі для спадарожнікавага тэлекалана “Белсат”.
40 базавых (980 рублёў) велічынь штрафу ад суддзі Святланы Чараповіч атрымала Вольга Чайчыц. Такі ж па памеры штраф і ў журналіста Сяргея Краўчука. Яго справу разглядала суддзя Таццяна Ліннік.
Вынік разгляду справы Ірыны Арахоўскай пакуль невядомы. Журналістка на суд не прыйшла, а агучыць ёй рашэнне па тэлефоне ў судзе адмовіліся.
Таксама ў гэты дзень у судзе Партызнаскага раёна прайшло яшчэ адно паседжанне ў дачыненні да незалежнага журналіста. Генадзя Барбарыча вінавацілі ў падрыхтоўцы матэрыяла для сайту «Радыё Рацыя». Але ў выніку суд вярнуў пратакол правапарушэння на дапрацоўку ў РУУС.
@bajmedia
У Брэсце суды павялічылі «экстрэмісцкі» спіс за кошт СМІ, але зрабілі гэта з памылкамі
17.01.2024
«Прыярытызацыя беларускага кантэнту над расійскім». Святлана Ціханоўская перадала ў Google запыт ад журналістаў
18.01.2024
У «экстрэмісцкі спіс» Мінінфарма ўключылі інтэрнэт-рэсурсы Media IQ
14.06.2024
Цяжкахворага беларускага журналіста Вадзіма Доўнара перавезлі з Украіну ў Польшчу
14.05.2024
