У нядзелю затрымалі 8 журналістаў, трое засталіся за кратамі
8 лістапада 2020
8 лістапада ў Мінску і Віцебску сілавікі зноў затрымлівалі журналістаў. У Мінску затрымалі Святаслава Зоркага (ужо вызвалілі), Яна Аўсеюшкіна, Арцёма Ляву і Віктара Талочку (ужо вызвалілі).
Яшчэ стала вядома, што затрыманы журналіст Яўген Шапчыц.
Таксама “Спутнік” паведамляў пра затрыманне двух расійскіх журналістаў, якіх пасля затрымання даставілі ў Партызанскі РУУС, а пазней вызвалілі. Іх імёны не называліся.
У Віцебску міліцыянты затрымлівалі журналістку Алену Шабуня. У аддзеле міліцыі ёй уручылі адміністрацыйны пратакол паводле арт. 22.9 КаАП — за супрацу з замежным СМІ без акрэдытацыі, пратрымалі ў пастарунку некалькі гадзін, пасля вызвалілі.
Такім чынам, па стане на 22:00, усяго 8 лістапада было затрымана 8 журналістаў. З іх засталіся за кратамі — трое: Арцём Лява, Ян Аўсеюшкін і Яўген Шапчыц.
@bajmedia
Мінскі абласны суд будзе разглядаць апеляцыйную скаргу Аляксандра Манцэвіча 23 студзеня
03.01.2024
У Хельсінкі ўсталююць паштовыя скрыні для лістоў зняволеным беларускім журналістам
16.07.2024
TГ-каналы DOXA і «Katolik_life. Неафiцыйнае» — у «экстрэмісцкім» спісе
03.09.2024
У Варшаве з’явіўся мурал з Анджэем Пачобутам
26.09.2023
