Міжнародны праект у падтрымку палітвязняў распачынае збор сродкаў на BySol

Ва ўсіх неабыякавых людзей будзе магчымасць падтрымаць беларускіх палітвязняў, нягледзячы на адмену марафону салідарнасці. Збор сродкаў у межах новага праекту ўжо ідзе на платформе BYSOL.

Міжкантынентальную эстафету ў падтрымку Беларусі праводзіць праект «Голас праз межы» (Voic­es Across Bor­ders).  Акрамя збору сродкаў, будуць арганізаваныя выставы, канцэрты, дыскусіі і вэбінары.

Актыўная фаза пачнецца ў лістападзе і завершыцца 18 снежня, ў Міжнародны дзень мігранта, канцэртам і зборам сродкаў у падтрымку беларусаў і беларусак, якія пацярпелі ад рэжыму.

Акцыя арыентавана і на замежную аўдыторыю. Дзеля гэтага беларускія дыяспары па ўсім свеце аб’яднаюцца і правядуць вечарыны-знаёмствы з Беларуссю і раскажуць пра палітычны і гуманітарны крызіс, з якім наша краіна сутыкнулася пасля 2020 года.

Мэта кампаніі – сабраць 500 000 еўра, каб дапамагчы тым, хто знаходзіцца ў самай цяжкай сітуацыі. Усе сродкі пойдуць на падтрымку беларускіх палітычных зняволеных і іх сем’яў.

Voic­es Across Bor­ders – гэта першая міжнародная анлайн-супольнасць, мэта якой інфармаваць людзей па ўсім свеце пра палітычны крызіс і парушэнні правоў чалавека ў Беларусі. Праект вядзе каманда, у якую ўваходзяць прадстаўнікі беларускіх ініцыятываў і фондаў салідарнасці, уключаючы Народныя амбасады Беларусі, фонды «Краіна для жыцця», BYSOL, ByHelp і Dis­si­dent­by. 

Сачыць за кампаніяй можна ў сацсетках:

• Face­book: Voic­es Across Bor­ders
• Insta­gram: voices_acrossborders