У Віцебску выставілі абвінавачванне за абразу ў сацсетках суддзі
22 верасня 2017
У Віцебску выставілі абвінавачванне за абразу ў сацыяльных сетках суддзі. Здарэнне адбылося ў лістападзе мінулага года. Жыхар абласнога цэнтра змясціў на сайце адной з тэматычных груп, прысвечаных Віцебску, тэкставы каментар, які “па сваім змесце ўтрымлівае лінгвістычныя прыкметы абразы суддзі”, інфармуе афіцыйная прадстаўніца УСК па Віцебскай вобласці Святлана Сахарава.
Фота: Fotolia
Следства прыйшло да высновы, што мужчына зрабіў гэта наўмысна, у сувязі з разглядам “канкрэтнай крымінальнай справы”. Доступ да яго каментара мела неабмежаваная колькасць карыстальнікаў. Да матэрыялаў справы далучылі вынікі лінгвістычнай экспертызы і амбулаторнай судова-псіхіятрычнай экспертызы. Крымінальная справа распачатая па артыкуле “абраза суддзі ў сувязі са здзяйсненнем ім правасуддзя” (арт. 391 КК).
Адзначаецца, што абвінавачаны цалкам прызнаў сваю віну. Мужчына тлумачыць свае дзеянні тым, што суддзя раней двойчы разглядаў адміністрацыйныя справы і выносіў у яго адносінах “суровае пакаранне”. Абвінавачаны знаходзіцца пад падпіскай пра нявыезд. Матэрыялы крымінальнай справы ўжо перададзены пракурору і неўзабаве могуць апынуцца ў судзе.
@bajmedia
Российские приставы разыскивают блогера Влада Бумагу
09.02.2024
Ці з’яўляюцца агляды блогераў рэкламай? Адказ МАРГ
12.07.2024
Таццяну Пыцько аштрафавалі за распаўсюд «экстрэмісцкіх матэрыялаў»
24.04.2024
Вебинар «Сопротивляемся цифровой диктатуре: стратегии и защита для независимых медиа» (дедлайн — 11 марта)
01.03.2024
