Убачыць незвычайнае ў звычайным — майстар-клас па відэа ў Гомелі

На думку Матафонава, тэленарыс прадугледжвае кампазыцыйную пабудову на падставе драматургіі падзеі, факта, лёсу чалавека: “Убачыць незвычайнае ў звычайным — гэта адрознівае творцу ад звычайнага рамесніка”.

У тэленарысе дакладнае адлюстраванне фактаў спалучаецца з эмацыянальным стаўленнем аўтара да свету, адбору дэталяў, падаецца ў зрокавай і гукавой форме. Дзеля раскрыцьця ідэі  выкарыстоўваюцца святло, шумы, музыка.

Трэнер на прыкладах з уласнага досведу падрыхтоўкі тэленарысаў “Урокі цыганскай”, “Будзічы. Вёска — ахвяра тэхнічнага прагрэсу” ды некаторых іншых паказаў, як займаўся каліброўкай кадраў, выкарыстоўваў кантрапункт — асэнсаванае супрацьпастаўленне відэаматэрыялу іншага сэнсавага пласту, гуку.

Таксама падчас майстар-класа гаварылі пра “вірусныя” відэа, асвятленне блогерамі ў сацыяльных сетках “гарачых” тэмаў, звязаных, у прыватнасці, з масавымі акцыямі пратэсту супраць “дармаедскага” дэкрэту.