Віктару Шэндэровічу не далі выступіць у Беларусі
27 чэрвеня 2018
Расейскі сатырык і грамадзкі дзяяч Віктар Шэндэровіч напісаў на сваёй старонцы ў Facebook, што не атрымаў дазволу на творчую вечарыну ў канцэртнай залі «Менск». Сустрэча з гледачамі была заплянаваная на 28 кастрычніка.
«Мае восеньскія выступы ў Беларусі адмяняюцца. Атрымаць канцэртны дазвол з прэзыдэнцкай адміністрацыі аказалася справай немагчымай», — паведаміў Віктар Шэндэровіч.
Арганізатарам гастроляў выступала Берасьцейская абласная філярмонія. Там пацьвердзілі адмену канцэрту «па незалежных ад іх прычынаў» і пачалі вяртаньне грошай за набытыя квіткі. Дагэтуль канцэрты Шэндэровіча праходзілі без праблем.
Сёлетнюю юбілейную праграму пад назвай «Усё лепшае» плянавалася прымеркаваць да 60-гадовага юбілею пісьменьніка.
Віктар Шэндэровіч — пасьлядоўны крытык палітычных рэжымаў Уладзіміра Пуціна і Аляксандра Лукашэнкі. На пачатку 2000‑х абодва былі сталымі пэрсанажамі ягоных сатырычных праграмаў «Куклы», «Итого», «Бесплатный сыр», якія выходзілі на расейскіх тэлеканалах.
Шэндэровіч выступае супраць наступу на правы і свабоды грамадзянаў Расеі, арганізуе адзіночныя пікеты. Неаднойчы яго затрымлівала расейская паліцыя.
@bajmedia
ААЦ масава адбірае дамены ў выданняў, якія трапілі ў Рэспубліканскі спіс экстрэмісцкіх матэрыялаў
17.04.2024
У Віцебску склалі петыцыю з патрабаваннем пакараць абласную газету за непраўдзівую статыстычную інфармацыю
03.04.2024
CPJ заклікае да неадкладнага вызвалення журналіста Андрэя Толчына
22.03.2024
Мінінфарм дадаў у «экстрэмісцкі спіс» YouTube-канал «БелДиаспораТВ» і Telegram-канал «Речица LIVE»
27.05.2024
