The Village адкрые выданне ў Беларусі

Маскоўскае онлайн-выданне The Vil­lage анансавала адкрыццё франшызы для Украіны, Беларусі і Казахстана. Пра гэта распавёў сузаснавальнік медыяхолдынга Look At Media Аляксей Амётаў.

Кіеўскі і мінскі The Vil­lage плануецца запусціць вясной, наконт Казахстана тэрміны і падрабязнасці пакуль не анансуюцца. Гарадское онлайн-выданне ў Кіеве ўзначаліць ўкраінскі журналіст Андрэй Баштовы. Выдаўцом стаў Мікалай Балабан. Усяго ў камандзе будуць працаваць пяць чалавек. Кіеўскі The Vil­lage будзе публікаваць матэрыялы на ўкраінскай мове.

У Беларусі склад каманды пакуль не вызначаны. Аднак ужо вядома, што тут кантэнт будзе выходзіць на дзвюх мовах — беларускай і рускай.

Размова ідзе не пра прадстаўніцтвы расійскага выдання, а менавіта пра франшызу, падкрэсліваюць у LAM. Таму мясцовыя рэдакцыі будуць працаваць цалкам незалежна ад маскоўскай. Аднак адна з умоў супрацоўніцтва — захаванне гайдлайнаў выдавецкага дома Look At Media Pub­lish­ing. «Фарматы, тэмы і візуальны складнік будуць такімі ж, як у The Vil­lage», — растлумачыў Амётаў. «Мы будзем таксама дзяліцца экспертызай па фарматах, спецпраектах і натыўнай рэкламе», —дадаў ён. Што тычыцца манетызацыі, то LAM будзе атрымліваць адсотак ад абароту франшызы.

Таксама Амётаў заявіў, што, акрамя міжнароднай франшызы, у бліжэйшы час анансуе рэгіянальныя: цяпер завяршаецца размеркаванне гарадоў-удзельнікаў.