Выстава беларускага фатографа Яўгена Атцецкага, аўтара фотакнігі «Плошча Перамен», адбудзецца ў Львове

Выстава прысвечаная зменам у сацыяльным жыцці Львова, калі горад на захадзе Украіны стаў перавалачным пунктам або новым домам для перасяленцаў. Выстава пакажа, як уцягнутасць у грамадскія працэсы дапамагае людзям перажыць выклікі, што з’явіліся з поўнамаштабным расійскім уварваннем ва Украіну. Людзі максімальна пагружаныя ў валанцёрскую дзейнасць, вулічныя музыкі спяваюць толькі ўкраінскія песні, на цэнтральнай плошчы рэгулярна праходзяць цырымоніі развітання з загінулымі падчас вайны, але ў той жа час у грамадстве захоўваюцца і традыцыйныя сацыяльныя рытуалы: людзі ходзяць у царкву, сустракаюцца ў кафэ, шпацыруюць у парках.

У рамках выставы таксама пройдуць дзве куратарскія экскурсіі, пра якія абяцаюць паведаміць пазней.

Нагадаем, што Яўген Атцецкі – мінскі фатограф, які задакументаваў пратэсную гісторыю Плошчы Перамен, а пасля стварыў цэлы праект – з сайтам, кнігай і выставамі.

Пасля падзей 2020-га Яўген быў змушаны пакінуць Беларусь і пераехаў у Кіеў, а з пачаткам вайны – у Львоў.

Калі: 3–17 мая

Дзе: Львоўскі Палац мастацтваў (вуліца Мікалая Каперніка, 17)

Уваход вольны.

Чытайце яшчэ: 

Сайт і сацсеткі самага папулярнага баранавіцкага выдання «Інтэкс-прэс» прызналі экстрэмісцкімі

«Зіна, стой, сёння наш дзень!» Успаміны легендарнай дыктаркі беларускага тэлебачання

Баявыя экстрасэнсы контрнаступу: як расійскія прапагандысты падаюць кантэнт з удзелам варажбітаў