Яшчэ адзін іск аб абароне дзелавой рэпутацыі супраць журналіста — суд 6 лютага

У маі мінулага года ПГУП “АИТА-ТОРГ” заключыла з Барысаўскім дзяржаўным медыцынскім каледжам дамову аб арганізацыі харчавання навучэнцаў. У лістападзе на сайце ex-Press.by з’явіўся крытычны артыкул журналіста, у выніку чаго, як сцвярджае аўтар іску, прадпрыемства было вымушанае скасаваць дамову з каледжам.

Па меркаванні ПГУП “АИТА-ТОРГ” у артыкуле ўтрымліваюцца звесткі, якія не адпавядаюць рэчаіснасці і ганьбяць дзелавую рэпутацыю прадпрыемства. Ісцец просіць суд абвергнуць распаўсюджаныя звесткі шляхам накіравання рашэння суда ў Мінскі абласны выканаўчы камітэт, у інтэрнэце, у газетах “Адзінства” і “Борисовские новости”, а таксама спагнаць з адказчыка панесеныя ў сувязі з працэсам выдаткі.

Патрабаванні кампенсацыі панесеных стратаў, звязаных з парушэннем гаспадарчай дзейнасці, не заяўленыя. Папярэдняе пасяджэнне па справе прызначанае на 6 лютага ў Эканамічным судзе Мінскай вобласці.

Фота з апальнага артыкула