Журналіст Аляксандр Івулін на волі!
23 лютага 2023
Як паведамляе Tribuna.com, журналіст «Трыбуны» Аляксандр Івулін на волi з 17 лютага. Ён ужо пакінуў Беларусь.
На сваёй інстаграм-старонцы Аляксандр Івулін размясціў фотаздымак з аэрапорту і напісаў: “Людзі не растаюцца назаўсёды.
Усе гэтыя 624 дні, пакуль мы не бачыліся вам было нашмат складаней, чым мне. Вас палохала невядомасць. Вы не ведалі, як я і што са мной. Не ведалі, як мне дапамагчы. Пры гэтым рабілі ўсё магчымае, каб па тым бок плота мне жылося крыху прасцей. Рабілі так шмат, што я пакуль не магу ўсвядоміць увесь маштаб.
Соры, пішу гэты тэкст і натуральна трасуцца рукі, а да вачэй падыходзіць кандэнсат. Гэта ўсё праз вас, неверагодныя беларусы!
Нізкі паклон усім і кожнаму за салідарнасць і падтрымку. Гэта вельмі каштоўна. Гэта не забываецца.
Да сустрэчы на @chestnokby. Хутка там будуць эмоцыі і падрабязнасці».
Аляксандра Івуліна затрымалі 3‑га чэрвеня 2021 года. 19 студзеня 2022 года суддзя Савецкага раёна Мінска Сяргей Шаціла прызначыў Аляксандру Івуліну два гады калоніі за «арганізацыю і падрыхтоўку дзеянняў, якія груба парушаюць грамадскі парадак, альбо актыўны ўдзел у іх».
На гэты час 32 прадстаўнікі медыя застаюцца за кратамі.
Чытайце яшчэ:
БАЖ праводзіць апытанне аўдыторыі: прайдзіце яго і дапамажыце нам стаць лепш!
Цуда не адбылося: спачатку спіс экстрэмісцкіх матэрыялаў значна скараціўся, а пасля нават вырас
“Беларуская мова жывая!” Запыталіся ў штучнага інтэлекту, якая яе сучасная роля і што будзе далей
@bajmedia
Міністр інфармацыі звінаваціў «раёнкі» Віцебшчыны ў непрафесіяналізме
04.12.2023
«Наша Ніва» спытала колькі зарабляе Мікіта Мелказёраў
20.10.2023
Суды Брэсцкай вобласці істотна папоўнілі спіс «экстрэмістаў» у рэгіёне за кошт сацсетак мясцовых медыяў
20.12.2023
«В сильном государстве, в таком государстве…» Министр спорта считает, что телеканал «Беларусь 5» должен быть бесплатным
24.10.2023
