Журналіста Алеся Любянчука асудзілі на 3 гады пазбаўлення волі
27 кастрычніка 2022
Як стала вядома Беларускай асацыяцыі журналістаў, суддзя Мінскага гарадскога суда Алена Ананіч прызнала журналіста Алеся Любянчука вінаватым па артыкуле 361-1 Крымінальнага кодэкса Беларусі – «Стварэнне экстрэмісцкага фармавання альбо ўдзел у ім».
Алесю прысудзілі 3 гады пазбаўлення волі.
Беларуская асацыяцыя журналістаў рашуча пратэстуе супраць выраку. БАЖ лічыць прысуд Алесю Любянчуку помстай за шматгадовую прафесійную дзейнасць і патрабуе вызвалення яго і іншых прадстаўнікоў медыя, якія знаходзяцца ў несвабодзе з‑за палітычнага пераследу!
У Беларусі за кратамі – 32 журналісты. Больш за 400 журналістаў вымушаныя былі пакінуць сваю краіну. Аднак інфармацыю схаваць сёння немагчыма.
26 траўня 2022 года Алеся Любянчука затрымалі ў вёсцы Крывічы Іўеўскага раёна, дзе ён жыў апошнім часам. У 2020 годзе Любянчука некалькі разоў затрымлівалі за выкананне прафесійных абавязкаў, і ён адбываў арышт у ізалятары ў Баранавічах.
Апошнім часам Алесь Любянчук займаўся турызмам і аднаўленнем гістарычна-культурнай спадчыны свайго раёна.
Чытайце яшчэ:
Чарговы суд, чарговы журналіст… Канвеер не спыняецца
SEO на беларускай мове. Як прафесійным медыям выціснуць прапагандыстаў з топа Google і Яндэкс і зарабіць?
Мінінфарм аб’явіў чэмпіянат сярод журналістаў па… нарыхтоўцы дроў
@bajmedia
Следчы камітэт распачаў спецвытворчасць у дачыненні да журналіста Уладзіміра Хільмановіча
14.03.2024
Брэсцкі абласны суд завочна прыгаварыў да зняволення ўдзельнікаў праекта «Рудабельская паказуха»
25.06.2024
Отдельный выпуск «Студыі Белсат» внесли в список экстремистских материалов
04.12.2023
Каталіцкае радыё ў Беларусі можа страціць дом, у якім зараз працуе
10.04.2024
