Журналіста Андрэя Аляксандрава і яго дзяўчыну Ірыну Злобіну абвінавачваюць у фінансаванні пратэстаў
15 студзеня 2021
Намеснік міністра ўнутраных справаў Генадзь Казакевіч заявіў, што журналіст і медыяменеджар Андрэй Аляксандраў і ягоная дзяўчына Ірына Злобіна займаліся фінансаваннем людзей, што ўдзельнічалі ў "масавых беспарадках" і іншых пратэстных дзеяннях, у тым ліку шляхам аплаты штрафаў і квітанцый за ўтрыманне ў ізалятарах.
Грошы яны атрымлівалі ад фонда салідарнасці BYHELP. Усяго Аляксандраў і Злобіна аплацілі больш за 250 штрафаў, паведамляе МУС.
«У тайніках, знойдзеных па каардынатах геалакацыі, знойдзена больш за 100 тысяч долараў і еўра», — гаворыцца ў заяве.
Нагадаем, 13 студзеня стала вядома, што затрыманы журналіст і медыяменеджар Андрэй Аляксандраў. Ён з’яўляецца падазраваным па арт. 342 КК «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх». Затрыманая таксама яго дзяўчына Ірына Злобіна. Вядома, што Ірына з’яўляецца падазраванай па крымінальнай справе, але невядомы артыкул Крымінальнага кодэкса.
14 студзеня ў офісе інфармацыйнага агенцтва БелаПАН прайшоў вобшук у сувязі з затрыманнем Андрэя Аляксандрава, які супрацоўнічае з агенцтвам.
@bajmedia
«Деятельность НОК Беларуси не приостановлена». В МОК прокомментировали выдачу аккредитаций пропагандистским СМИ
25.06.2024
Памёр відэааператар Сяргей Чырык
27.12.2023
«Экстрэмісцкімі» прызналі інфармацыйныя рэсурсы оrsha.eu, «Народны рэпарцёр» у «Одноклассниках» і «Новы Час» у TikTok
20.06.2024
ЕСПЧ не дае Андрэю Гнёту абарону ад экстрадыцыі ў Беларусь
20.08.2024
