Журналіста Міхаіла Карневіча аштрафавалі за рэпост у сацсетках

Журналісту “Народнай Волі” далі штраф памерам у 800 рублёў за рэпост інфармацыі ў сацыяльных сетках — ч. 2 ст. 19.11 КоАП.

Ён паведаміў, што да яго прыйшлі з вобыскам у пятніцу прыкладна каля гадзіны дня. Канфіскавалі камп’ютар, тэлефон. Тэлефон быццам бы павінны бліжэйшым часам вярнуць. Потым прапанавалі паехаць у мясцовы райаддзел на размову – маўляў, літаральна на гадзіну. А бліжэй да дзясятай гадзіны вечара журналіст апынуўся ў ізалятары часовага ўтрымання, дзе і правёў выхадныя.

“Дзякуй Богу, што на волі!”, – сказаў Міхаіл Карневіч.

З пятніцы, 21 студзеня, уласны карэспандэнт газеты “Народная Воля” знаходзіўся ў ізалятары часовага ўтрымання ў Гродна. Па папярэдняй інфармацыі, у пятніцу пасля абеда да Міхаіла Карневіча наведаліся з вобшукам. З якой нагоды і якія службы мелі да яго прэтэнзіі — дакладна невядома. Суседзі кажуць, што ў яго канфіскавалі тэхніку.

Цікава, што інфармацыю пра тое, дзе ўсе гэтыя дні знаходзіўся Міхаіл Карневіч, даведацца было не так і проста. Ён — чалавек адзінокі, а інфармацыю прадастаўляюць толькі блізкім і сваякам, спасылаючыся на закон аб абароне персанальных дадзеных.