Журналісты раздавалі ў Гродне спецвыпуск “Народнай Волі” да Дня народзінаў Нэльсана Мандэлы

Паводле Віктара Сазонава, жыхары Гродна з вялікай цікаўнасцю бралі газеты і цікавіліся праваабарончай тэматыкай спецвыпуска:

“Спецвыпуск “Народнай Волі” выйшаў у дзень нараджэння Нэльсана Мандэлы — праваабаронцы, лаўрэата Нобелеўскай прэміі. Безумоўна спачатку трэба гучна рэкламаваць газету, і ёсць магічнае слова “бескаштоўна”, аднак ёсць людзі, якія спачатку бяруць газету, а потым падыходзяць і пытаюць колькі яна каштуе”.

Акцыя ў Гродне адбывалася цягам некалькі гадзін, журналісты плануюць працягваць раздачу незалежнага выдання ў бліжэйшыя выходныя і распаўсюдзіць яшчэ 500 асобнікаў.