Зміцер Лупач троліць сістэму: аплачвае штраф па адным рублі і фатаграфуецца на фоне квітанцый
26 чэрвеня 2019
Два месяцы таму суд Глыбоцкага раёна аштрафаваў журналіста-фрылансера Змітра Лупача на 1020 беларускіх рублёў паводле двух адміністрацыйных артыкулаў: за супрацоўніцтва з “Белсатам” і ўдзел у недазволеным Дні Волі.
Праз некалькі дзён суд у Шаркаўшчыне пакараў журналіста яшчэ адным штрафам за супрацоўніцтва з тэлеканалам “Белсат” без акрэдытацыі.
Аспрэчыць рашэнні ў Віцебскім абласным судзе Лупачу не ўдалося, таму давялося штраф плаціць. Пасля кансультацыі з віцебскім праваабаронцам Паўлам Левінавым журналіст вырашыў аплачваць штраф часткамі па адным рублі.
— Штрафы, лічу, невялікія. Вялікія штрафы, на маю думку, усе пачнуць атрымліваць тады, калі ўвогуле перастане працаваць эканоміка. Зараз яна “дыхае на ладан”, бюджэт трэба чымсьці напаўняць. І калі бюджэт не напаўняе эканоміка, тады яго напаўняюць штрафныя санкцыі. У нас жа як выбудаваны Кодэкс аб адміністрацыйных правапарушэннях? Крок управа, крок улева — гэта адміністрацыйнае парушэнне, — гаворыць праваабаронца Павел Левінаў.
Квітанцыю ў Шаркаўшчынскі суд, Зміцер Лупач раздрукаваў памерам 1,5х1,5 метра. Як кажа журналіст, сваімі дзеяннямі ён хоча паказаць абсурднасць судоў над журналістамі.
Нагадаем, падставай для прыцягнення да адміністрацыйнай адказнасці журналіста-фрылансера з Глыбокага стала яго супраца з тэлеканалам “Белсат”.
@bajmedia
Папаўненне «экстрэмісцкага спісу» Мінінфарма: старонкі Асацыяцыі палітвязняў Беларусі, YouTube-канал «Беларусь за МКАДом»
22.07.2024
Экстрэмісцкай інфармацыйнай прадукцыяй прызналі кантэнт рэгіянальных выданняў «Магілёў.Media» і «Першы Пінскі»
05.01.2024
Свярдлоў пра праект з Маланкай: «Мы самі яшчэ не абвяшчалі публічна ні пра стварэнне кансорцыума, ні пра канкрэтныя праекты»
25.09.2023
«В сильном государстве, в таком государстве…» Министр спорта считает, что телеканал «Беларусь 5» должен быть бесплатным
24.10.2023
