Мінсувязі прызнала блакіроўку праграмы Tor у Беларусі
6 снежня 2016
Міністэрства сувязі і інфарматызацыі выступіла з каментаром наконт блакавання праграмы Tor, якая дазваляе ананімны доступ у інтэрнэт. Інфармагенцтву БЕЛТА ў Мінсувязі заявілі, што абмяжоўваецца не ананімны доступ у інтэрнэт, а наведванне забароненых сайтаў.
У Беларусі пачалі блакаваць Tor. Што рабіць
Чыноўнікі Мінсувязі нагадваюць, што пастаўшчыкі інтэрнэт-паслуг абавязаныя абмяжоўваць доступ да рэсурсаў, якія змяшчаюць забароненую інфармацыю. А разнастайныя проксі-серверы, ананімныя сеткі кшталту Tor ды іншыя дазваляюць карыстальнікам па-ранейшаму атрымліваць доступ да заблакаваных інтэрнэт-рэсурсаў. Таму згодна з беларускімі законамі такія інструменты таксама неабходна блакаваць.
«У дадзеным выпадку не пераследуецца мэта забараніць ананімны доступ карыстальнікаў у інтэрнэт. Задачай з’яўляецца абмежаванне доступу да інтэрнэт-рэсурсаў, якія змяшчаюць інфармацыю, распаўсюд якой забаронены. Доступ да гэтых сайтаў абмежаваны ў адпаведнасці з заканадаўствам Беларусі», — заявілі чыноўнікі Мінсувязі.
У ведамстве адзначаюць, што такія падыходы прымяняюцца ў шмат якіх краінах свету.
Праблемы з блакаваннем Tor пачаліся на пачатку снежня. У выніку колькасць беларускіх карыстальнікаў праграмы скарацілася ўжо ўдвая.
@bajmedia
Як беларуская прапаганда прадстаўляецца «Белсатам» і што рабіць чытачам, гледачам і экспертам
20.02.2024
Фільм Белсату «Святая вада» ўзнагароджаны на польскім конкурсе Dokument.pl
13.12.2023
У Аляксандра Корнышава зноў правялі ператрус і распытвалі пра «Витебский курьер news»
24.05.2024
Замежным партнёрам даводзіцца тлумачыць, што беларускія незалежныя СМІ не могуць зарабляць самастойна — Вячорка
06.05.2024
