Цуда не адбылося: спачатку спіс экстрэмісцкіх матэрыялаў значна скараціўся, а пасля нават вырас
23 лютага 2023
Раніцай рэсурс "Вясна. Брэст" паведаміў, што спіс экстрэмісцкіх матэрыялаў скараціўся з 506 да 490 старонак. Праз некалькі гадзін Мінінфарм загрузіў новы спіс, у якім не толькі вярнуліся былыя пункты, але дадаліся і новыя.
Са спісу экстрэмісцкіх матэрыялаў, што размешчаны на сайце Мінінфарма, спачатку знікла ўзгадванне кліпу «Экстрэміст» брэсцкага гурта «Дай дорогу», сацсетак «Народнай Грамады», тэлеграм-каналу былога рэдактара «Нехты» Яна Рудзіка, і шмат іншых пратэсных чатаў-каналаў.
Зараз спіс аднавіўся. Як паведамляе «Наша Ніва», ён яшчэ і павялічыўся: туды дадалі ютуб-канал «Обычное утро», а таксама тэлеграм-канал і лагатып перадачы. У спіс уключылі таксама тыкток-акаўнт Каці Пытлевай і ютуб-канал «Страна для жизни». «Экстрэмісцкай» ведамства прызнала і тэлеграм-групу «ГАИ Радошковичи и область».
Рашэнне ад прызнанні «экстрэмісцкімі» па гэтых каналах і групе было прынята судамі 21 лютага.
Чытайце яшчэ:
БАЖ праводзіць апытанне аўдыторыі: прайдзіце яго і дапамажыце нам стаць лепш!
Неточность, домысливание, фото детей. Что могут признать нарушением законодательства в Литве?
Генпракуратура хоча пакараць усіх, хто датычны да «экстрэмісцкай дзейнасьці»
@bajmedia
Экстрэмісцкай інфармацыйнай прадукцыяй прызналі кантэнт рэгіянальных выданняў «Магілёў.Media» і «Першы Пінскі»
05.01.2024
Настассю Мацяш, асуджаную за супрацу з «Белсатам», унеслі ў «спіс экстрэмістаў»
19.07.2024
Папаўненне «экстрэмісцкага спісу»: Telegram-канал праекта InformNapalm, YouTube-канал NEXTA Plus і іншыя рэсурсы
07.05.2024
Рэдактара «Рэгіянальнай газеты» Аляксандра Манцэвіча перавялі ў івацэвіцкую калонію
20.02.2024
