«Вершы з‑за кратаў» — з’явіўся вялікі віртуальны зборнік паэзіі беларускіх палітвязняў

Стваральнікі збіраюць вершы палітзняволеных і перакладаюць іх на розныя мовы. Ужо можна пачытаць творы па-беларуску, па-ангельску і па-партугальску. Таксама на сайце размешчаная інфармацыя пра палітвязняў і магчымасць даслаць ліст онлайн.

«Вершы з‑за кратаў» мусяць натхняць больш людзей на падтрымку тых, хто рэпрэсаваны за свае каштоўнасці, але з гонарам праходзіць нават самыя цяжкія выпрабаванні.

Можна зрабіць данат на BYS*L, усе сабраныя сродкі пойдуць на перадачы ў турмы. За ахвяраванні вы атрымаеце тэматычныя падарункі.

Нагадаем, што на сёння ў Беларусі 1443 палітзняволеных, з іх больш за 80 — дзеячы культуры.

Пазнаёмім вас з некаторымі творамі.

БАЖ праводзіць апытанне аўдыторыі, каб быць карыснымі і цікавымі тым, хто з намі даўно, і тым, хто нас яшчэ не ведае.  Гэта дапаможа нам адаптаваць нашыя прадукты і кантэнт, удасканаліць іх і стаць карысным інструментам і плацдармам для развіцця беларускай незалежнай журналістыкі. Прайдзіце апытанне і дапамажыце нам стаць лепш!

Максім Знак

Пароль: “Тук-тук!”,

“Тук-тук!” – як водгук:

Жалеза стук

Па калідорах.

“Аддаў!” – “Прыняў!”

“Як сам?” – “Нармальна”

Ключ і сцяна…

Фенамінальна!

“Тук-тук!” – “Ідзем!”

“Тук-тук!” – “Хавайце!”

“У сцяну глядзець!

Не размаўляйце!”

“Тук-тук!”- “Тук-тук!”

Па калідорах.

І сёння стук

Такі ж як учора.

Ігар Лосік

Хай скруха самотных дзён

Нікому ня будзе вядома,

Хай будзе турма як сон

Прачнуся — і зноўку дома.

Андрэй Кузнечык

Цёплы вецер дарогі высушыў

І паклікаў у далеч вырушыць.

Затрашчалі ў зялёных шатах

Абазнаных турыстаў чаты.

Выхваляюцца лебедзь з качарам,

Як у выраі парыбачылі,

І расказваюць качкі курам

Пра распродажы і шоп-туры.

Размаўляюць шпакі з сініцамі

Пра круізы паміж сталіцамі.

Пракаўтнуўшы хот-фрог балотны,

Рэкламуюць буслы курорты.

Чаплі ж не прамінуць аказіі

Папляткарыць пра спа ў аазісах.

А стары трэвел-блогер грак

Стыміць з глогу якісь лайфхак.

У вяснушках вясна-вандроўніца

На сігвэі па небе коціцца…

Чытайце яшчэ:

«Я бачыў кнігу не як нейкую сухую біяграфію, а гісторыяй чалавека». Гутарка з аўтарам першага выдання пра Ціханоўскую

“Я уехала, чтобы приносить пользу Беларуси”. Ради чего Александра Богуславская прервала журналистскую карьеру

Каханне на адлегласці: журналісты пра свае сямейныя стасункі, нягледзячы на мяжу