Вобшукі ў супрацоўнікаў Press Club Belarus. Затрымалі Юлію Слуцкую
22 снежня 2020
22 снежня сілавікі прыйшлі дадому да праграмнага дырэктара Press Club Belarus Алы Шарко. Яна паспела паведаміць у БАЖ, што сілавікі ламаюць ёй дзверы.
У дырэктара Press Club Belarus Сяргея Альшэўскага таксама вобшук.
Cілавікі прыйшлі з ператрусам і да дырэктара "Акадэміі прэс-клуба" (адукацыйны праект) Сяргея Якупава.
У офіс таксама прыйшлі сілавікі.
Заснавальніцу Press Club Belarus Юлію Слуцкую затрымалі сёння па прылёце ў Мінск у Нацыянальным аэрапорце.
Прадстаўнікі Press Club Belarus, у якіх сёння былі ператрусы, затрыманыя на 72 гадзіны, паведамляе Tut.by.
Дачка Юліі Слуцкай Аляксандра расказвае пра затрыманне ў аэрапорце.
Падчас ператрусу дома ў выканаўчага дырэктара Press Club Belarus Алы Шарко да яе не пусцілі адваката Сяргея Зікрацкага. Ён застаўся чакаць у пад’ездзе.
Каля кватэры Алы Шарко затрымалі намесніка галоўнага рэдактара «Нашай Нівы» Андрэя Скурко, рэпарцэрку «Анлайнера» Таццяну Ашуркевіч і журналіста Антона Мардзіловіча з «Белорусы и рынок». Усіх адвезлі ў Маскоўскае РУУС для праверкі дакументаў, пасля чаго адпусцілі. Падобна на тое, што міліцыянты ўсіх забралі, каб без сведкаў вывезці Алу.
Яе адвезлі ў Дэпартамент фінансавых расследаванняў на вул. Кальварыйская.
«Дэпартамент фінансавых расследаванняў Камітэта дзяржаўнага кантролю праводзіць праверку па фактах парушэнняў падатковага заканадаўства Рэспублікі Беларусь у дачыненні да службовых асоб культурна-асветніцкай установы «Журналісцкая майстэрня Прэс-клуб» і іншых суб’ектаў гаспадарання, звязаных у тым ліку з паступленнем буйных грашовых сум з‑за мяжы» — паведамілі БЕЛТА ў прэс-службе Камітэта дзяржаўнага кантролю.
Кіраўнік МЗС Уладзімер Макей 22 снежня распавёў пра санкцыі ў адказ на анкцыі ЕС, сярод іх — планы абмежаваць дзейнасць шэрагу палітычных фондаў, якія дзейнічаюць і пад эгідай пасольстваў. Ці супадзенне, што ў гэты ж дзень сілавікі прыйшлі да кіраўніцтва Press Club Belarus?
***
Юлія Слуцкая — заснавальніца і старшыня Прэс-Клуба. У журналістыцы з 1994 года. Скончыла філасофскі факультэт БДУ, да таго, як прыйшла у медыясферу, працавала сацыёлагам. У 1995–2006 — галоўны рэдактар «Камсамольскай праўды ў Беларусі». У 2007–2010 — галоўны рэдактар «Еўрапейскага радыё для Беларусі», з 2011 г. — заснавальніца і дырэктар інфармацыйнага офіса ў Варшаве «Беларусь у фокусе».
Юлія Слуцкая: У мяне было 38 паўтарагадовых дзяцей!
Юлія Слуцкая: Людзі ў эміграцыі губляюць сувязь з рэчаіснасцю ў Беларусі
«Выигрывают смелые»: Юлия Слуцкая в HrodnaMediaRoom — о том, как выжить в мире новых медиа
Пресс-клуб Беларусь официально открылся
@bajmedia
Журналистка БТ Ксения Лебедева похвасталась медалью «За содействие СВО»
29.01.2024
Запрацаваў сайт-каталог беларускіх відэа на YouTube
02.04.2024
Журналісты Беларускага расследавальніцкага цэнтра абвешчаныя ў міждзяржаўны вышук
31.07.2024
Wyborcza паведамляе пра ператрус у будынку TVP у Варшаве. Гэта звязана з тэлеканалам «Белсат»
20.11.2024
